back to some documents mentioning Malachowo found in the Codex Diplomaticus Maioris Poloniae Malachowo in three documents dated 1427
from Codex Diplomaticus Maioris Poloniae
1427. die 24. mensis Ianuarii, Gnesnae.
Iudicii terrestris Calissiensis decretum, Alberto archiepiscopo Gnesnensi partem hereditatis Dankowo addicens.
 Nos Iohannes de Qwyathkowo iudex et Dobeslaus de Nyankowo subiudex Kalisienses generales, significamus tenore presencium, quibus expedit, vniuersis, quod de anno Domini millesimo quadringentesimo vicesimo septimo, iudicio regali in terminis generalibus feria sexta post festum sancte Agnetis Gnezne celebratis, vbi magnifici, strennuique et nobiles domini Albertus de Wscheradowo Kalisiensis, Mathias de Labyschino Brzestensis, Iarandus de Brudzewo Wladislauiensis palatini, Thomas de Pacoscz castellanus Poznaniensis et capitaneus Maioris Polonie generalis, Martinus de Slawsko Kalisiensis, Mathias Coth de Dambno Naklensis, Andreas de Domaborz Kaminensis castellani, Nicolaus Sapyensky iudex Poznaniensis, Dobrogostius de Schamothuli subcamerarius Kalisiensis, Iohannes Cossisco de Orechowo Dobrinensis, Petrassius de Zirniky Kalisiensis vexilliferi, Schamborius de Malochowo venator Kalisiensis, Thomislaus de Miloslauia, Milay de ibidem, Iohannes et Petrus de Bnin heredes, ceterique domini vna nobiscum, iudicantes presidebant, ibi personaliter constitutus reuerendissimus in Christo pater et dominus, dominus Albertus Dei gracia sancte ecclesie Gneznensis archiepiscopus et primas, et aquisiuit iusto iure et vero iudicio super virtuosis et nobilibus Vichna et Nyedomira sororibus germanis indiuisis, filiabus olim nobilis Dobeslai de Iarathky sortem hereditariam hereditatis Dankowo, quam dicebant fore patrimonium ipsarum, et alias residuas sortes hereditatis predicte, quas dicebant domine predicte ius ipsis racione propinquitatis competere, pro quibus eciam reuerendissimus in Christo pater, dominus archiepiscopus, predecessor moderni domini archiepiscopi per easdem dominas fuerat citatus et terminos cum eisdem conseruauit. Et ibidem nobiles Iohannes Skyerka de Sarbinowo Vichne et Stanislaus de Sczkowo Nyedomire mariti, procuratores et nominibus procuratorijs earundem suarum vxorum easdem sortes hereditatis predicto prefato domino archiepiscopo dimiserunt et ab eisdem ad tempora perpetua abscesserunt. Nos vero talibus dimissione et abscessione dictorum Iohannis et Stanislai nominibus dominarum predictarum a sortibus sepedicte hereditatis Dankowo iamdicte auditis, sentenciamus adiudicantes eandem hereditatem Dankowo totaliter ita late et longe, prout in suis limitibus circumferencialiter est distincta et limitata, prefato domino archiepiscopo ad tempora perpetua pacifice et quiete possidere, dominabus predictis perpetuum silencium iniungentes, super quo dominus archiepiscopus iudicatum soluit. In cuius rei testimonium sigilla nostra presentibus sunt subappensa. Datum die, loco et anno, quibus supra.

1427. die 30. mensis Ianuarii, Gnesnae. Iudicii terrestris Calissiensis decretum de finibus villarum Kapiel et Czerniejewo.
 Nos Iohannes de Qwyathcowo iudex et Dobeslaus de Nyankowo subiudex generalis Kalisienses, significamus tenore presencium, quibus expedit, vniuersis, quod de anno Domini millesimo quadringentesimo vicesimo septimo, iudicio regali in terminis particularibus, feria quinta proxima ante festum Purificacionis Marie Gnezne celebratis, in quibus nobiles domini Samborius de Malochowo venator Kalisiensis, Iohannes de Krzecothowo burgrabius Gneznensis, Paulus de Goczalkowo (vice) palatini, Vincencius de Falicowicze (vice) iudicis, Thomko de Malochowo (vice) subiudicis, Albertus de Modlyschewo (vice) subcamerarij, Iohannes Sobyeiucha (vice) vexilliferi, ceterique domini et officiales iudicando presidebant, ibi personaliter constitutus Thworko ministerialis ius reddens recognouit, quomodo ex decreto Iuris inter Campyel venerabilis capituli Gneznensis, ab vna, et Czyrnyewo magnifici et generose, strenuorumque et discreti dominorum, Mathie de Labyschino palatini Brestensis et Mayk eius consortis, necnon Styborij et Mathie Trzczyelsky ac Nicolai plebani, heredes(s), partibus ex altera, limitacio est celebrata et finita, que ad tempora perpetua inviolabiliter stare debet, et scopuli ibidem sunt formati, sipati et erecti, palique loco scupulorum terre sunt incussi et infixi, et hoc tali modo: primo incipiendo a granicie et scupulo hereditatis Paxino vsque ad alnas olschina wlgariter nuncupatur(s), palludini adiacentes, et vlterius per alnos vsque ad lacum, a lacu vero vsque ad graniciem et scupulum hereditatis Nydom sic dicte, et ita, quod insula, que iacet inter aggeres, ad hereditatem Campyel cessit, et ibidem domini venerabilis capituli predicti iuramenta corporalia iuxta ius ipsorum eccIesiasticum prestiterunt. Nos vero dicti ministerialis recognicione audita, sentenciauimus adiudicando eandem limitacionem et scupulos ad tempora perpetua in suo vigore iuxta laudum et conswetudinem terrestria valituram, super quo iudicatum soluit. Et in huius rei testimonium sigilla nostra presentibus sunt appensa. Actum et datum anno, die, loco, quibus supra.

1427. die 27. mensis Februarii, Gnesnae. Iudicii terrestris Calissiensis decretum, de finibus villarum Niestronno et Poledzie.
 Nos Iohannes de Qwyathcowo iudex et Dobeslaus de Nyankowo subiudex generales Kalisienses, significamus tenore presencium, quibus expedit, vniuersis, quod de anno Domini millesimo quadringentesimo vicesimo septimo, iudicio regali in terminis particularibus feria quinta proxima post festum sancti Mathie Gnezne celebratis, in quibus magnificus et nobiles domini Thomas de Pacoscz castellanus Poznaniensis et capitaneus Maioris Polonie generalis, Iohannes de Krzecothowo burgrabius Gneznensis, Paulus de Goczalkowo palatini, Vincencius de Falicowicze iudicis, Thomko de Malochowo subiudicis, Albertus de Modlischewo subcamerarij, Iohannes Sobyeiucha vexilliferi, ceterique domini et officiales iudicando presidebamus, ibi personaliter constitutus Tworko ministerialis ius reddens recognouit, quia ex decreto iuris Iudicij regalis Gneznensis limitacio inter Nyestronno villam et hereditatem venerabilis capituli Gneznensis, et inter Palandze alias Smerdzancza, villam strenui et honorabilis dominorum Iohannis et Iacobi cantoris Vysliciensis, fratrum germanorum et indiuisorum, heredum ibidem in Palandze, est celebrata et finita, et hoc tali modo: primo incipiendo ab angulari cumulo, qui est inter Wynecz et Nyestronno vsque ad fluuium, inter quem angularem cumulum et fluuium sunt quindecim, et a fluuio vsque prope lacum dictum Myelenko sunt cumuli vndecim, et a Myelenko ad Przerowa decem, et a Przerowa ad angularem cumulum, qui est inter Golambky, Smerdzancza et Nyestronno sunt cumuli viginti duo, et domini venerabilis capituli predicti ibidem iuxta ius ecclesiasticum iuramenta prestiterunt. Cuiusquidem ministerialis nos audita recognicione sentenciamus adiudicantes dictam limitacionem et formacionem cumulorum predictorum ad perpetua tempora valituram. Super quo capitulum iudicatum soluit. Et in huius rei testimonium sigilla nostra presentibus sunt appensa. Actum et datum anno, die, loco quibus supra.

Sambor of Malachowo (Master-of-the-Hunt of Kalisz) and Tomko of Malachowo (vice-Underjudge of Kalisz) appear in these documents.